اقتبس من Mohammed barakat في 6 أكتوبر، 2020, 3:57 م

#احذري_اسرار
حاجات ما يحتاج تحكيها لخطيبك / جوزك !!
T.me/wemonway
❗️مهما وصلتي مع حبيبك و جوزك لمرحلة عظيمة من العشق و الذوبان و الإنصهار في بعض في حاجات معينة لازم تحتفظي بيها لنفسك و ما ينفعش بأي حال من الاحوال انه يعرفها..

خليني اذكر بعضاً منها على سبيل المثال و ليس الحصر ..
——————————————-

❗️*لو لا قدر الله لك اخ مدمن او حد من عيلتك او افراد اسرتك عندهم مشكلة حساسة، بلوة سوداء او شيء مشين بتتكسفي منه، الحاجات دي انتي مالكيش ذنب فيها بس في نفس الوقت جوزك مينفعش يعرفها مهما إن كانت درجة قربه ليكي و اندماجه في العائلة، و مهما ان كان راجل عظيم و اخلاقه عالية، لأن الحاجات دي بتتخزن عنده في اللا وعي و بتطلع في صورة سلوك تجاهك في مواقف و ظروف معينة فممكن جدا في يوم من الأيام تلاقيه بيعايرك بالموضوع دا و ساعتها حتحسي بالألم الشديد و الندم على انك قلتيله ادق ادق الأسرار.

❗️*ما يحتاج لو اهلك و انتي في بيتهم كانوا بيزعقولك او بيشتموكي و يضربوكي تعرفي جوزك او تشتكي لخطيبك، عشان في اول خناقة حتلاقي ايده اتمدت عليكي على اعتبار إن اهلك بيضربوكي عادي فانا ما اضربكيش ليه!

❗️* ما ينفعش يعرف نقطة ضعف ليك
او حاجة مضايقه في نفسك جدا و معقدتك لأنك هتصغري في نظره و تباني انك مش واثقة في نفسك و بالتالي حبه و احترامه ليكي حيقل .

❗️*ما ينفعش تحكيله عن علاقة عاطفية قديمة بكل تفاصيلها، لإنك هتهزي ثقته فيكي و حتولّدي عنده الشك في انك ممكن تحني لحبيبك القديم، و هتجيله هواجس انك ممكن تكوني بتكلمي رجالة، و كل ما تخرجي هيفتكر انك رايحة تقابلي حد و هيراقبك و عيشتك هتبقى سواد!

❗️*كمان رصيدك في البنك، لو كنتي مرتاحة ماديا و معاكي قرشين مش لازم يعرف هو كام عشان ما يطمعش فيكي او يشَيِّلك حاجات مش مفروض تشيليها!

❗️* و اخيرا،،، شغَّلي دايما عقلك قبل ما تنسحبي من لسانك و تفتحيله قلبك على المليان و تخُليه عشان ما تجيش فوق راسك انتي في الآخرا!