حمل تطبيق الموجه التربوي الآن
من فضلك أو التسجيل لإنشاء مشاركات ومواضيع.

اعظم دعاء

*أعظم سر لإجابه الدعاء*"أعظم سر لإجابة اي دعوة بعد اليقين طبعا و الاستمرار على الدعاء " حضور القلب " لا تنسخ ادعية وخلك واثق باللي ترسله لربي رح ينزل لك صحیح فیه امور مفترض تبدا فيها الدعاء مثل " حمد الله والثناء عليه ثم الصلاة على النبي وفيه ادعية وردت بالسنة هذي قولها لكن المقصد بالدعاء افضل من قلبك تدعي ما تاخذ ادعية الناس وكثر من كلمة يارب يارب يارب لان الله يقول لجبريل اني احب اسمع من عبدي كلمة يارب ولا تجلس تحفظ."

"تعبان ؟ بدون لف ودوران قول يارب انا تعبان فرحان ؟ قول ياربي ياحبيبي انا فرحان ، ماتقدر تدعي قول ماقدر ادعي يارب وتعلم اني محبط او بس قول يارب وسبحانه يعلم ! ترا الموضوع بالبساطة ذي لحد يكذب عليك ويعسر عليك ، وترا العفوية ذي ابلغ من مية دعاء تحفظه لان الله يريد شعورك وصدقك مو سجع واشعار وتحط الدعاء على وزن محدد."

"تكلم من قلبك واستشعر الله سبحانه واقف قدامك مالك هالكون اجمع ومالك حاجتي و كل حاجة قدامي ؟ وانا اسجد له بخضوع واعترف بقدرته كيف ما يحضر قلبي ؟ شغلة تدعي وقلب مسافر مكان ثاني ما تنفع إن الله لا يستجيب من قلب غافل ! يعني بس يتمم كذا مايدري اش يقول .. كرر اثنين وثلاث لين يحضر قلبك ، وادع باسمائه الحسنى و تعلق بحبل الدعاء بقوة شديدة الدعاء قوة فولاذية تعيد ترتيب المشهد کیف ما كان شكله."

"مافي قوة بهالارض زي الدعاء ابدا مافي انت تحسبها بس كلمات تتمتم بها وخلاص تروح تنشغل بحياتك وماتعرف كيف تسوي هالكلمات بموازين الدنيا بالعالم الغيبي !، طبعا احزن جدا على الناس اللي كل شيء عندها منطق و عقلانية انا وحدة ماعترف بها ابدأ هالاشياء موبقاموسي مهما تسرد لي همك ادري له حل ؟ صدقني مافي شيء ماله حل غير الموت طبعا غيره كل مشكلة انخلقت وبجوارها حلها."

"واكبر الحلول الدعاء بيسخرلك الحل المستحيل بعقلك يا انسان ، او يعالج بعد امره سبحانه مشكلتك في حال ما كان فيه حل ارضي طبعا هالكلام اقوله لاني اعرف اللي خلا البحر ينشق والارض تغرق عشان اربع کلمات " رب إني مغلوب فانتصر " ، اللي ودا الرسول بنفس الليلة البيت المقدس وهي مسافة شهر بايامهم هو رب واحد ، ماشي ذولا انبیاء وراح زمنهم لكن زمن الكرامات باقي الى يوم الدين وربنا واحد."

"معليش ما نقارن أنفسنا بالانبياء لكن ناخذ العظة والعبرة منهم والله القران ما نزل يقولك ذولا انبیاء وخلاص ماراح تصير بعدهم معجزات المعجزات والكراماات ليوم القيامة انا ایوا اصدق لو آمنت اني ربي قادر يوديني وين بغمضة عين وداني ! ماهو قادر ليش اناقض ایماني اقول قادر بعدين اقول بس ؟ بس فلان ، بس صار كذا ، بس بعيد..والخ اعذار واهية هالقلوب خاوية من الصدق والله لو صادقة و مشبعة يقين كان بكل عصب فيها خلاص تکنسل تناظر الأرض ، الأسباب ، الظروف..كلها بيد الله هالید الكريمة اللي تطوي السماء والأرض كطي الصحف يوم القيامة ! استشعر یا انسان استشعر بقلب لا تردد بس بلسانك."

"، الله عطاك عقل و فهم عشان تتبع رسايله لا تغفل وخلك نبيه كل حاجة تصير مدبره تدبیر دقيييييق بالثواني والساعات والمواقف والايمان ، لاوجود لكلمة صدفة بالحياة كلها مقادیر آمنوا معايا وحتصنع المعجزات لكل الصادقين والمتمسکین بالدعاء."...

محمد بركات
حمل تطبيق الموجه التربوي الآن