حمل تطبيق الموجه التربوي الآن
مسارات تنقل المنتدى - أنت هنا:المنتدىالأسرة والمجتمع: طبخ وحلوياتبيتزا
من فضلك أو التسجيل لإنشاء مشاركات ومواضيع.

بيتزا

طريقة تانية للبيتزا

المقادير
٤ كوب دقيق
نص كوب لبن رايب او على حسب ما ياخد منك الدقيق
٢ م.ك سكر
م.ص بيكنج بودر
م.ك خميره
ربع فنجان زيت
ذره ملح

العجينه بسيطه ومكوناتها موجوده في كل بيت

صوص البيتزا
بصله متوسطه
عصير طماطم فريش
معلقه صلصله
م.ك عسل
ريحان مجفف
ملح ...فلفل اسود

الصوص ده من اجمل صوصات البيتزا انا بعمل منه كميات واشيلها في الفريزر بيوفر وقتي وبينجز جدا يوم ما بعمل
بيتزا

الحشو ..... فراخ ....مشروم ....سوسيس ....زيتون اخضر ...فلفل الوان .

الفراخ
كرملت بصل وشوحت شرائح فراخ رفيعه وحطيت عليها
جنزبيل بودر .....بهارات مخلوطه ....ملح وفلفل ونص كوب ميه

المشروم
كرملت بصله وحطيت عليها المشروم وملح وفلفل لغايه ما نزلت الميه بتاعتها ورجعت شربتها تاني .

سلقت السوسيس

الطريقه
حنعجن العجين ونسيبه يخمر لمده ساعتين

اثناء العجين وهو بيخمر نجهز الحشو والصلصه .

بعد ما كله حاجه تكون جاهزه نبدا بقى نفرد العجين ونضيف عليه الصلصه والحشو .

ندخل البيتزا الفرن على درجه حراره ٢٠٠ لمده ١٠ دقايق

بعد البيتزا ما تستوي بخرجها وافرد عليها الجبنه وادخلها الفرن دقيقتين تسيح اشغل الشوايه حاجه بسيطه اوي تاخد لون بسيط مش بحمر وشها لانك لو الجبنه اتحمرت زياده بتنشف ومش حتمط معاكي 😊

محمد بركات
حمل تطبيق الموجه التربوي الآن